Plantan er lifandi vefsíða um allt tengt ræktun
Síðan er byggð með það í huga að fræða og að notendur geti miðlað upplýsingum um alls kyns ræktun með jafningjafræðslu og sett inn sitt eigið efni. Öll ráð og ábendingar eru vel þegin. Endilega skoðaðu þig um og skráðu þig til að taka þátt
Sýrustig eða PH gildi segir til um hvort lausn getur tekið eða gefið H+ jón frá sér en við skulum ekkert vera of tækniileg hérna. PH skalinn er frá 1 til 14.
Til að gefa mjög einfalda útskýringu á því hvernig PH hefur áhrif á næringarlausn er hægt að líkja því við hita á vatni. Við -5°c ertu með ís við 50°c ertu með vökva og við 150°c ertu með gufu. PH gildið breytir sem sagt sumum efnum þannig að plantan nær ekki að nota þau. Kjör sýrustig við vatnsrækt er oftast milli 5,5 til 6,5 PH eða örlítið súrt.
Í vatnsrækt er engin mold notuð, aðeins þarf vatn, næringu, ljós og umhyggju
Hægt er að rækta flest allar plöntur, kryddjurtir, ávexti og ber allan ársins hring ef þær fá nægilegt ljós. Vatnsræktun er besta leiðin til að rækta inni og það kemur oft fólki á óvart hversu auðvelt er að rækta í vatnsrækt, hvaða plöntur er hægt að rækta og hversu vel þær vaxa , dæmi um plöntur sem vaxa vel í vatnsrækt eru; Kaktus, Aloe vera, Jarðaber, Tómatar, Chillí, Paprikur, Kaffi, Basil, Gúrkur og margt annað
Allar plöntur hafa vissar grunnþarfir, til þeirra teljast: Ljós, hiti, loft, vatn, næringarefni og pláss
Plöntur kallast frumframleiðendur því þær framleiða sína orku sjálfar með ljóstillífun. Sjá lýsingu
Allar plöntur þurfa ljós til að fá orku en plöntur framleiða sína eigin orku með ljóstillífun. Orkan sem plöntur nota til ljóstillífunar fá þær frá ljósi. Plöntur nota samt ekki allt ljós, þær nýta mest af rauðu og bláu ljósi
Það er algengur misskilningur að gróðurlýsing sem er notuð við ræktun séu hitalampar en ekki ljóslampar, hitinn frá ljósunum er oft jafnvel óæskilegur og bara orkusóun